Sansar News
डा. घनश्याम परिश्रमी
बढ्न छाडेन कत्ति अत्याचार
भ्रष्टको नै चल्यो यहाँ व्यापार
खुब छ जनता सुनाउँदै आवाज
सुन्न तत्पर कहाँ छ खै, सरकार
ओठमा छैन प्रीतिको मुस्कान
देख्छु उनको निकै मलिन अनुहार
लाग्न थाल्यो मलाई एकाएक
आफ्नो घर नै भयो कि कारागार
जे पढे त्यो गरेनछन् अभ्यास
निस्किएछन् उनी बनी खुङ्खार
बहर : खफिफ मुसद्दस मख्बुन मुसक्किन मक्सुर
अर्कान : फाइलातुन्, मफाइलुन्, मफ्ऊलु
वजन : २१२२ – १२१२ – २२१
गुनगुनाहट :नाननाना,ननानना, नानान
रदिफ :०
काफिया : आर
( डा. परिश्रमी बर्दघाट प्रज्ञाप्रतिष्ठानका कुलपति हुनुहुन्छ। )
वि.सं.२०८१ भदौ १५ शनिवार ०५:३८ मा प्रकाशित
