हामी सबैकाे संसारन्यूज

काठमाडौं । नेपाल इन्भेष्टमेण्ट मेगा बैंकका ग्राहकहरुले बुद्ध एयरबाट यात्रा गर्दा आकर्षक छूट पाउने भएका छन् । बैंकका ग्राहकले बुद्ध एयरको हवाई टिकट खरिद गर्दा आकर्षक छुट पाउने भएका हुन् ।

बैंक र बुद्ध एयरबीच भएको सम्झौता अनुसार अब ग्राहकहरु तथा ग्राहकका परिवार (बुबा, आमा, श्रीमती, छोरा/छोरी) ले बुद्ध एयरको हवाई टिकट खरिद गर्दा ८ प्रतिशत छूट पाउने छन् ।

टिकटमा छूट लिनका लागि बुद्ध एयरका काउन्टरबाट टिकट खरिद गर्ने बैंकका ग्राहकले एनआईएमबी डेबिट/क्रेडिट कार्ड वा एनआईएमबी एप (मोबाईल बैंकिङ) मार्फत भुक्तानी गर्नुपर्ने कम्पनीले जनाएको छ ।

यस प्रकारको सम्झौताबाट ग्राहकहरु प्रत्यक्ष रुपमा लाभान्वित हुने विश्वास लिएको बैंकले जनाएको छ । गुणस्तर बैंकिङ सेवाका साथै कम्पनीले अस्पताल, रेष्टुरेण्ट, सपिङ मल लगायतका दर्जनौं बिभिन्न सेवामुलक क्षेत्रसँग सम्झौता गरी ग्राहकहरुलाई थप सुविधा र छूटको व्यवस्था गर्दै आएको जनाएको छ ।