Sansar News
दुर्गा अधिकारी भमरकोटे, हाल- कपन
१.
बुझौँ ढंगले
दशै आयो भन्दैछन्
उड्ने चङ्गाले ।
२.
मेरो नमन
सबै पितृ देवमा
श्रद्धासुमन ।
३.
पितृ उद्धार
सोह्रश्राद्ध आरम्भ
गर प्रारम्भ ।
४.
पितृपक्षमा
जाँच दिन हाजिर
हुनु कक्षमा ।
५.
श्रद्धा अर्पण
सम्झना बा आमाको
दिनु तर्पण ।
६.
जन्मेको सार
सन्तानको धर्म हो
पितृ उद्धार ।
७.
श्राद्ध नवमी
हाम्रा पितृ तर्दैछन्
गंगा बैतर्णी ।
८.
बुझेँ अब त
थियौ बाबा घरको
रक्षा कवच ।
९.
प्रेम पारखी
बाबा तिमी योद्धा हौ
आमा सारथि ।
१०.
पितृपक्षको
विसर्जन अन्त्यमा
जिम्मा रक्षाको ।
वि.सं.२०८१ असोज ५ शनिवार ०४:३६ मा प्रकाशित
