Sansar News
निम्बतरु, अर्घाखाँची
हुरीले मात्रै आफूसङ्गै लतारेर लान्छ पातपतिङ्गर र धुलो
भुमरीले मात्र बोकेर हिड्छ धुलो
बादलले कहाँ बोक्न सक्छ पतिङ्गर
धुँवाले धुलो पनि सक्दैन उठाउन
देखेनौ
कोही मान्छेले सयौँ मान्छेहरु लतारेर लगेको ?
होलान् एकाध उदाहरण
घामका किरणले उठाएका शीतका बुँदहरू
तर धुलो उठाउदैन
हुरीले जस्तो भएभरको सोहोरेर लादैन धुलोमैलो
हुन त
बर्खामा खहरेले
खोल्साभरिका झ्याङक्याट
खोल्साभरिका फोहरमैला
र
कहिलेकाहीँ हुनेपनि बगाउने रहेछ नहुनेपनि बगाउने रहेछ
झपक्कको फूलपनी बगाउने रहेछ
त्यही अमूल्यहरू मध्येको म पनि बगेँ
फाल्दिए बगरमा
झोलेहरूसँगै ।
वि.सं.२०८१ असोज ५ शनिवार ०४:३७ मा प्रकाशित
