Sansar News
बिके मुखिया, दार्जिलिङ
युवा! जाग चाँडै नजर राख्नुपर्छ
छ घर भित्र वैरी खबर राख्नुपर्छ ।
सधैँ श्रेष्ठ बन्ने रहर राख्नुपर्छ
यहाँ नाम तिम्रो अमर राख्नुपर्छ
उकालो छ बाटो शिखर छैन टाढा
तिमीले निरन्तर सफर राख्नुपर्छ
भयो देश खोक्रो लुटेरा पसेछन्
सबैले मुलुकको फिकर राख्नुपर्छ
युवा सान हाम्रो सुरक्षा बनेर
सधैँ देश धान्ने हुनर राख्नुपर्छ
बहर : मुतकारिब मुसम्मन सालिम
वजन : १२२ , १२२ , १२२ , १२२
काफिया : अर
रदिफ : राख्नुपर्छ
अभ्यास : ज्ञानकुञ्ज गजल पाठशाला
विनेसाम भारत शाखा।
वि.सं.२०८१ असोज ५ शनिवार ०४:३९ मा प्रकाशित
