Sansar News
विष्णुकुमार बराइली
मिरिक, दार्जिलिङ
आज बाङ्गालाई बाङ्गा भन्न हुन्न
धूर्त हुन्छन् धेर लाटा भन्न हुन्न
चिन्नु राम्रो भद्र बोलीभित्र सत्य
जाल होला छैन धोका भन्न हुन्न
काम देखाउन सधैँ खोज्नेहरू छन्
भद्रलाई दुष्ट होला भन्न हुन्न
मित्र,पर्दाभित्र ब्वाँसा धेर हुन्छन्
झट्ट देख्नासाथ राम्रा भन्न हुन्न
बुझ्न गाह्रो हुन्छ सजिलो हुन्न पक्कै
सभ्य देख्दैमा छ सच्चा भन्न हुन्न
बहर : रमल मुसद्दस सालिम
अर्कान : फाइलातुन् फाइलातुन् फाइलातुन्
वजन : २१२२ – २१२२ – २१२२
काफिया :– आ (स्वर)
रदिफ :– भन्न हुन्न
अभ्यास : परिश्रमी पाठशाला ( बहर -छन्दशाला )
वि.सं.२०८१ मंसिर ८ शनिवार ०४:४७ मा प्रकाशित
