Sansar News
भूपाल अधिकारी, विराटनगर
नैतिकताको पाठ सिकी
मानवताको रङ्ग भरी
आपसमा नै प्रेम गरी
जीवन बाचौँ आज यहीँ ।१।
भेद हटाई चिन्तनमा
बोल अरूका रोदनमा
होस् मह जस्तै शब्द सधैँ
जीवन बाचौँ आज यहीँ ।२।
क्रन्दन पीडा दुःख भुलौँ
आखिर हाँस्दै बाँच्न सिकौँ
कोमल यौटा फूल बनी
जीवन बाचौँ आज यहीँ ।३।
दर्पण जस्तै जीवन यो
मानव चोला व्यर्थ नहोस्
सत्य धरामा कर्म गरी
जीवन बाचौँ आज यहीँ ।४।
शान्ति अहिंसा मार्ग चली
निस्क हमेशा बुद्ध बनी
छोड निरासा अग्नि भनी
जीवन बाचौँ आज यहीँ ।५।
छन्द : मणिमध्य
गण : भ म स
सङ्केत :Sll SSS llS
वि.सं.२०८१ मंसिर ८ शनिवार ०४:५१ मा प्रकाशित
