हामी सबैकाे संसारन्यूज

कुमार थापा
निजगढ, बारा हाल-भारत

भएँ रोगी गलेँ साह्रै गरूँ के आस जीवनमा
भनेजस्तो भएनन् दैनिकी उल्लास जीवनमा

सफल होस् जिन्दगी भन्ने ,थियो इच्छा खुबै मेरो
अझै पौरख भनेजस्तो गरूँ के खास जीवनमा

हुँदा कमजोर मेरो देह,ताना सुन्छु मुटु छेड्ने
टुटेछन् आज आफैँभित्र नै विश्वास जीवनमा

दुखी मनको कुरा बुझ्ने दया सागर कुनै छैनन्
बढेका छन् हिजो भन्दा अझै सन्त्रास जीवनमा

ढले दैनन्दिनी मेरा गले जोर्नीहरू साह्रै
अहंकारी बनेँ व्यर्थै भयो वनबास जीवनमा

बहर – हजज मुसम्मन सालिम
अर्कान – मुफाईलुन् मुफाईलुन् मुफाईलुन् मुफाईलुन्
वजन : १२२२ १२२२ १२२२ १२२३
काफिया -आस
रदिफ -जीवनमा
अभ्यास – परिश्रमी पाठशाला (बहर छन्दशाला )