Sansar News
कपिल किशोर घिमिरे, दाङ
नजिक बन्दै दिएकी हुन् मिठो खाना प्रियाले
मधुर बोली थियो उनको मिल्यो तृप्ति सुधाले
बिना कारण बनिन् दुःखी निकै मन दुख्न थाल्यो
म छटपट गर्न थालेँ खुद सधैँ पीडा व्यथाले
झुठो बोल्छिन् निकै सानी गरी मस्ती सधैँभर
डुली रनवन यिनै भन्छिन् गरेँ सब बाध्यताले
अरूले गीत खुब राम्रा सुनाए आज धेरै
म गाऊँ गीत भन्दैथेँ दिँदै दिन्न गलाले
फसे आफैँ कुनै नेता गरी कर्तुत निकै नै
दिँदै छन् दोष उनले खुब अरूलाई मजाले
बहर : हजज मुसम्मन महजुफ
अर्कान : मुफाईलुन् मुफाईलुन् मुफाईलुन् फऊलुन्
वजन : १२२२ १२२२ १२२२ १२२
अभ्यास : परिश्रमी पाठशाला
वि.सं.२०८१ पुस ६ शनिवार ०५:४० मा प्रकाशित
