हामी सबैकाे संसारन्यूज

नर्बे । नर्वेमा रहेका मगर समुदायको आयोजनामा मगर समुदायको मुख्यपर्व माघे संक्रान्ति तथा माघी पर्वको अवसरमा विशेष सांस्कृतिक साँझ २०२५ को आयोजना हुने भएको छ ।

जनवरी १९ को दिन माघे संक्रान्ति पर्वको साथमा विविध सांस्कृतिक कार्यक्रम गरी मनाउने सम्पूर्ण तयारी पूरा भएको समाजका अध्यक्ष दीपक भूजेलले जानकारी दिएका छन् ।

उक्त कार्यक्रम माघ महीनाको ६ गते अर्थात् यही आउँदो जनवरी १९ तारिख आईतबारको दिन हुने भएको हो ।

नेपाली कला संस्कृतिको संरक्षण गर्ने उद्वेश्यले स्थापित संघले बिबिध सांस्कृतिक कार्यक्रमसहित स्थानीय चर्चित कलाकारहरूको पनि बेजोड प्रस्तुति रहने आयोजकले जनाएको छ ।

कार्यक्रममा समाजले माघी पर्वको महत्व र मगर समुदायहरूको विशेष पहिचान अनि महत्व सहित नेपालीपन र परम्परा झल्काउनको लागि उक्त कार्यक्रमको मुख्य उद्वेश्य रहेको आयोजक कमिटीले जनाएको छ ।
समाजले नर्बेस्थित एनआरएन लगायत विभिन्न संघसंस्था तथा नेपालीहरूलाई उक्त कार्यक्रममा उपस्थित हुन अनुरोध गरेको छ ।

उक्त कार्यक्रममा निःशुल्क प्रवेशका साथै नेपाली परिकारहरुको स्वाद लिन पाइने छ। साथै स्थानीय चर्चित कलाकारहरूले आफ्नो प्रस्तुति दिने भएका छन् ।

‘नेपाली कला संस्कृति, भेषभुषा र परम्पराको संरक्षण’ भन्ने नारा सहित कार्यक्रम आयोजना गर्न लागेको यस संस्था नर्बेमा स्थापित वैधानिक संस्था हो ।