हामी सबैकाे संसारन्यूज

बाबुराम गौतम, गुल्मी

१.
अनेकतामा एकता बनाऊँ
शत्रुसामु कहिल्यै नझुक्ने
दृढ प्रतिबद्धता जनाऊँ

२.
अनेकतामा राखेर एकता
विश्वलाई चिनारी दिनु
नेपालीको प्रमुख विशेषता

३.
पुर्खाले सुम्पेको नासो
अस्तित्वमा रहने छैन
लिएनौँ भने चासो

४.
अपराधीलाई ओढाएर खादा
पुरा गर्दैछ सरकारले
जनतासँग गरेका बादा

५.
नसक्नेले जोखिम मोल्न
सक्तैन कहिल्यै पनि
भाग्यको ढोका खोल्न

६.
कसलाई उठ्दैन रिस ?
सुझाव स्वरुप दिएको
अर्ति ठान्दा बिष

७.
जिन्दगी अनौठो खेल
गर्जो टार्ने परिक्षामा
भइन्छ बारबार फेल

८.
जिन्दगी नश्वर चोला
आखिरी गन्तव्य सबैको
सङ्गम जुटेको खोला
ि
९.
लाग्दैन कहिल्यै घाम
दुखियाको घर आँगनमा
सधैँभरि रहन्छ बर्खायाम

१०.
हौसिएर नभमा नजाऊ
चिप्लिएर लड्यौ भने
लाग्नसक्छ गहिरो घाउ
ि