हामी सबैकाे संसारन्यूज

उत्तम विचार, नुवाकोट

ठुला मान्छे दम्भ गर्छन् र सानाको अर्थ हुन्छ
गरे चम्चाले भने दम्भ काँटाको अर्थ हुन्छ

झरी बादल हट्छ वर्षा हिलोमैलो दूर भाग्छन्
हिउँद लागे खुल्छ आकाश चङ्गाको अर्थ हुन्छ ।

झुटो माया हुन्छ कच्चा कसम खाई तोड्न सक्छन्
निभायौँ साँचो भनेमात्र वाचाको अर्थ हुन्छ ।

जता पर्छन् दिव्य दृष्टि त्यतै भव्य दृश्य होऊन्
रमाए हेरी भनेमात्र आँखाको अर्थ हुन्छ ।

टुटी जाने साइनोले कसैलाई हुन्न राम्रो
हुँदै जाओस् प्रेम गाढा र नाताको अर्थ हुन्छ ।

बहर – मुजारे मुसम्मन सालिम
अर्कान : मुफाइलुन् फाइलातुन मुफाइलुन् फाइलातुन
वजन – १२२२ २१२२ १२२२ २१२२
काफिया बन्धन – आको
रदिफ – अर्थ हुन्छ
अभ्यास – परिश्रमी पाठशाला