हामी सबैकाे संसारन्यूज

कवि समीप बैरागीद्वारा लिखित कविता संग्रह ‘साहीमासा’ यही फागुन १४ गते विमोचन हुने भएको छ ।

रोल्पा कला साहित्य प्रतिष्ठानले प्रकाशन गरेको उक्त कविता संग्रह १४ गते दिउँसो १ः०० बजे नेपाल प्रज्ञा–प्रतिष्ठानको (लेखनाथ कक्ष) कमलादी काठमाण्डौमा हुने भएको छ । विमोचन कार्यक्रममा कवि सर्वण मुकारुङ, कवि तथा लेखक नवीन विभास र कवि लक्ष्मी रुम्बा वक्तामा रहनेछन् ।

२०८१ फागुन १२ गते आइतबार रोल्पा कला साहित्य प्रतिष्ठानको आधिकारिक फेसबुक आइडीबाट ब्यानर सार्वजनिक गरिएको छ ।

अठार मगरात मगर खाम भाषाबाट साहित्यक कृतिहरू प्रकाशन गर्दै आएका बैरागीले यसपटक नेपाली भाषाबाट साहीमासा कविता संग्रह पाठक सामु ल्याउँदैछन् ।