Sansar News
श्याम माकजू, भक्तपुर
गरी प्रेम साँचो अँगाल्यो कसैले
छली प्रेम बन्धन चुँडाल्यो कसैले
बसेको थिएँ प्रेमको दीप बाल्दै
गरोस् युद्ध भन्दै उराल्यो कसैले
छु हल्का त्यसैले सबै माझ पुग्छु
लछार्दै पछार्दै निकाल्यो कसैले
रहर भेट्न आँखा डुलाएर बस्दा
नयन धुन्छु भन्दै पखाल्यो कसैले
कतै पोखियोस् मन म चाहन्न त्यस्तो
कहाँ राख्न सक्थ्यो खसाल्यो कसैले
बहर – मुतकारिब मुसम्मन सालिम
अर्कान – फऊलुन फऊलुन फऊलुन फऊलुन
वजन – १२२ – १२२ – १२२ – १२२
काफिया – आल्यो
रदिफ – कसैले
अभ्यास – परिश्रमी पाठशाला
वि.सं.२०८१ फागुन १७ शनिवार ०९:०९ मा प्रकाशित
