Sansar News
अरुण खड्का, किर्तिपुर, काठमाडौं
जहाँ आलो पालो अचाना फेरिन्छन्
त्यहीँ तिर हान्नेका निसाना फेरिन्छन्
जसै पत्ता लाग्छन् झुटो बोल्नेका राज
त्यही पलमै झुटका बहाना फेरिन्छन्
उनी जहिल्यै आफ्ना कुरा माथि पार्छिन्
हदै गर्दा जिद्दी दिवाना फेरिन्छन्
दिनैपिच्छे उनका हितैषी छन् बढ्दै
नयाँ साथी भेट्दा पुराना फेरिन्छन्
हिलोमाथि हाँस्दै कमल फुल्ने गर्छ
समयसङ्गै हाँगा स–साना फेरिन्छन्
बहर – अनुराग
अर्कान – मफाईलुन् फैलुन् मफाईलुन् फैलुन्
वजन – १२२२ – २२ / १२२२ – २२
काफिया – आना
रदीफ – फेरिन्छन्
अभ्यास – स्वर्ण पाठशाला
वि.सं.२०८१ चैत २३ शनिवार ०८:५७ मा प्रकाशित
