हामी सबैकाे संसारन्यूज

रुना कर्माचार्य दाहाल,चितवन

१.
पोल्छ छाती पलपल
हरायो भोक निद्रा
के हुँदैछ आजकल ।

२.
प्रेमको जन्जिर तोडेर
छाडेर गयौ तिमी
अन्तै मुटु जोडेर ।

३.
प्रेम भयो अभिशाप
दिलमा आगो जलाई
बस्छौ किन चुपचाप ?

४.
नबन्नू तिमी लाचार
प्रयास नगरी जीवनमा
नमान्नू कहिल्यै हार ।

५.
भाग्यलाई दोष न पार
पौरखी हात उठाऊ
आफ्नो भविष्य सपार ।

६.
रङ्गमञ्च रहेछ जिन्दगानी
हाँस्ने अनि रुने
गर्दागर्दै सकिने कहानी ।

७.
सहेर दुःख र व्यथा
लेख्नू जगमा सबले
एउटा प्रेरणादायी कथा ।

८.
आँखामा आँसु रोकेर
धर्ती छाडेर जानू
प्रीतिको कोसेली बोकेर ।

९.
जीवन एक उपहार
सङ्गालेर आनन्दित अनुभूति
सजाउनू आफ्नो परिवार ।

१०.
बनाऔँ असल चरित्र
सम्झोस् सारा दुनियाँले
इमानदार अनि पवित्र ।