Sansar News
टीकासुदिस निरौला, विराटनगर
तिमीलाई भन्थेँ नजिक छौ यो मनको
खुसी बाँड्ने एउटा भरोसा जीवनको
यी आँखा थाक्दैनन् तिमीलाई हेर्दा
कसूँ जस्तो लाग्दैछ गाँठो बन्धनको
बनायौ मायाको भिखारी झैँ आज
सधैँ कुर्दै बस्दा नजिकमा आँगनको
पुगे हुन्थ्यो धोको तिमीसाथै बाँच्ने
फगत इच्छामात्रै झुठो आश्वासनको
कथा छन् जीवनका सबै लेख्ने हुन्नन्
कहाँ पोखूँ आफ्नै दुखेसो उल्झनको
बहर – अनुराग
वजन – मफाईलुन् फैलुन् मफाईलुन् फैलुन्
वजन – १२२२ – २२ – १२२२ – २२
काफिया – अन
तहलिली रदिफ – को
वि.सं.२०८२ वैशाख ६ शनिवार ०५:३५ मा प्रकाशित
