Sansar News
धनसिंह गिरि, दाङ
म लट्ठै छु देखेर तिम्रो जवानी
छ लाग्दै गरौँ कि तिमीमा लगानी
थियौ बैगुनी गुन नबुझ्ने तिमी खुद
चल्यो जादु मेरो भयौ आज पानी
छ जो गुन नमान्ने त्यसैलाई मेरो
गुनैगुनले मार्ने परेको छ बानी
सदा गर्दथ्यौ ख्यालठट्टा तिमीले
भो कालु र बाख्राको तिम्रो कहानी
सँगै बस्ने वाचा गरी दूर भाग्यौ
तिमीलाई पर्खी बित्यो जिन्दगानी
बहर – मुतकारिब मुसम्मन सालिम
अर्कान – फऊलुन् फऊलुन् फऊलुन् फऊलुन्
वजन – १२२ – १२२ – १२२ – १२२
काफिया – आनी
रदिफ – ०
अभ्यास : परिश्रमी पाठशाला
वि.सं.२०८२ वैशाख २७ शनिवार ०८:१५ मा प्रकाशित
