हामी सबैकाे संसारन्यूज

नीता गुरुङ, असम भारत

जहाँ प्रेम हुन्छ
त्यहाँ नै सुन्दर
जीवनकै सागर बग्छ
ईश्वरको बास पनि
त्यहीँ नै हुन्छ ।
आफन्तसँग मात्र होइन
परायासँग पनि
अटूट र प्रगाढ सम्बन्थ
जोडिँदै जान्छ ।
हो ! यो प्रेम नै हो,
जसको कल्पना मात्रले
मन प्रफुल्लित भई आउँछ ।
प्रेम विहिन मानव
नीरस, निर्जीव समान हुन्छ
प्रेम नै हो जसले
नीरसता जीवनमा
मिठो रसको संचार गर्छ
निर्जीव प्राणीमा
प्राणको संचार गर्छ ।
प्रेम नै हौ,जसले
बिर्सेकोलाई पनि
सम्झनामा ल्याउँछ ।
मनुष्य जीवनमा
प्रेम ईश्वरको मनोरम
देन हो
प्रेम बिनाको जीवन
मृत्यु समान हुन्छ ।
प्रेम नै राधा हो
प्रेम नै किसन हो ।