Sansar News
हरि प्रसाद पौडेल ‘स्वर्ण शिखा’,दाङ
सिकारी बनेछन् पुजारी, नभन्दै
चले धर्ममाथि कटारी, नभन्दै
सुनेको थिएँ पड्किएजस्तो बन्दुक
कसैको गुमेछ छहारी नभन्दै
भनेका थिए ज्योतिषीले दशा छन्
खोलामा खस्यो खेतबारी नभन्दै
नरोप्दै खजुर हैन जस्तो देखिन्थ्यो
फलेजो छ अहिले सुपारी नभन्दै
सहनशीलताको छ हद भन्ने गर्थिन्
बोलिन् झर्किँदै आज प्यारी नभन्दै
बहर : मुतकारिब मुसम्मन सालिम
अर्कान : फऊलुन् फऊलुन् फऊलुन् फऊलुन्
वजन : १२२ – १२२ – १२२ – १२२
काफिया : आरी
रदिफ : नभन्दै
वि.सं.२०८२ जेठ २४ शनिवार ०९:२६ मा प्रकाशित
