Sansar News
केशवप्रसाद ढकाल ’प्रीतबीज’
सिरान्चोक–७, उपल्लो गोहोरे, गोरखा
हुँदा पेट भोकै मरेको छ कोही
महलमा रजाइँ गरेको छ कोही
भई लुब्ध औधी भिसा बेच्न थाल्दा
नजरबाट मेरो झरेको छ कोही
अनायास बाढी शहरभित्र पस्दा
लगाएर जुक्ति तरेको छ कोही
हुँदा काम राम्रो अरूका नजरमा
पुरस्कृत हुनेमा परेको छ कोही
गरेको लगानी उठाएर सारा
सुखी बन्न अन्तै सरेको छ कोही
बहर – मतकारिब मुसम्मन सालिम
अर्कान – फऊलुन् फऊलुन् फऊलुन् फऊलुन्
वजन – १२२ – १२२ – १२२ – १२२
काफिया – एको
रदिफ – छ कोही
वि.सं.२०८२ असार २८ शनिवार ०८:०८ मा प्रकाशित
