हामी सबैकाे संसारन्यूज

मुकेश कटेल

लोकतन्त्रको जन्मभूमि, जनताको आवाज हो,
सहभागिताको मन्दिरमा, अधिकारको राज हो ।
मतपत्रको रुपमा फुलेको, स्वतन्त्रताको फूल हो,
संविधानको शिलामा अङ्कित, समानताको मूल हो ।
१

तर समाजको दर्पणमा, बिग्रिएको छ प्रतिबिम्ब,
शक्तिको मदिरा पिई, हराए छन् न्यायका खम्बा ।
भ्रष्टाचारको कुहिरोले, पारदर्शिता लुकायो
वर्ग, जात, धर्मको भित्ताले, एकतालाई फुकायो ।
२

लोकतन्त्र बोल्छ जनताको भाषा,सुन्ने कान कहाँ छ ?
अधिकारको माला गुथ्दा,कर्तव्यको धागो वहाँ छ ?
स्वार्थको अँध्यारो तर्साउँछ,साझा सपनालाई,
सहिष्णुताको दीप बाल्न,बाँकी छ अझै पनि बाटो खोज्नलाई ।
३

यो जीवन्त प्रयोग चलिरहेछ, सुधार्ने जिम्मेवारी हाम्रो छ,
न्यायको बाटो बनाउने, हरेक कदम सावधानीले हिँड्नु पर्छ ।
लोकतन्त्र र समाजको गाडी, चलाउने पाङ्ग्रा जनताको हात,
सच्चाइ र न्यायको सहारामा, भविष्य उज्यालो बनाउन रहौं एक साथ ।
४