Sansar News
मिरा ज्ञवाली आस्था,काठमाडौँ
छैन प्रेम लाखौं धन खर्चिएर के हुन्छ
मूर्तिसामु नौनीझैँ पग्लिएर के हुन्छ
जिन्दगी परीक्षा हो बन्छ श्रम लगानीले
गर्नुपर्छ सङ्घर्ष तर्किएर के हुन्छ
रातदिन खटेका छन् कर्म साधनामा जो
छन् सफल उनै मान्छे लोभिएर के हुन्छ
छन् खुसी यतै घरमा बुझ्नुपर्छ हामीले
छैन प्रेम धनमात्रै बर्सिएर के हुन्छ
जन्मिँदै छ लेखेको पाउने त्यही नै हो
छैन जे त्यहीमात्रै सम्झिएर के हुन्छ
बहर : हजज मुसम्मन अश्तर
अर्कान : फाइलुन मुफाईलुन फाइलुन मुफाईलुन
वजन : २१२ – १२२२ – २१२ – १२२२
काफिया : इएर
रदिफ :के हुन्छ
अभ्यास : स्वर्ण पाठशाला
वि.सं.२०८२ साउन १० शनिवार ०९:२२ मा प्रकाशित
