Sansar News
वासुदेव ठकुरी, नुवाकोट हाल -काठमाडौं
गरेनन् ठाउँ छोड्ने सुर बुढाले
छिटै के पाउलान् पालो युवाले
छ बढ्दै बिगबिगी बाङ्गाहरूको
गयो बाँच्ने जमाना अब सिधाले
कसैको साथ जीवनमा मिलेन
चलाएँ पाखुरी आफ्नै बुताले
सबै थाहा छ तिम्रो नालीबेली
भनेका छन् मलाई सब जनाले
सबै मान्छे कहाँ हुन्छन् र उस्तै
अरूभन्दा तिमी छ्यौ भिन्न खाले
बहर – हजज मुसद्दस महजुफ
अर्कान – मुफाईलुन् , मुफाईलुन् , फऊलुन्
वजन – १२२२ , १२२२ , १२२
काफिया – आले
रदिफ – ०
अभ्यास – परिश्रमी पाठशाला
वि.सं.२०८२ साउन २४ शनिवार ०८:५० मा प्रकाशित
