हामी सबैकाे संसारन्यूज

साजन पौडेल (सञ्जय), देवघाट–५, तनहूँ

१.
पाइन्न कहिल्यै देखेको
मेटेर कहाँ मेटिन्छ ?
निधारमा भावीले लेखेको ।

२.
सम्झिएर देशको माटो
परदेशमा पसिना बगाउँदा
मुटुमा प¥यो गाँठो ।

३.
अनौठौ माया भेटियो
बिछोडको त्यो करौतीले
मुटु, कलेजो रेटियो ।

४.
दुखाउनलाई यो छाती
बेला, कुबेला तिम्रा
यादहरू नआएकै जाती ।

५.
गाउँमा फुल्ने तितेपाती
लगेछ सायद बाढीले
सपनीमा दुःख्दैछ छाती ।

६.
मानिसको जीवन कहानी
मरेपछि हुन्छ शरीर
ढुङ्गा, माटोको सिरानी ।

७.
मनको तृष्णा मेटिएन
खोजी हेरेँ मानवता
कहीँ, कतै भेटिएन ।

८.
हुन्छ, सबैको जीत
लगाउन सकेमा मनैदेखि
सधैँ चोखो प्रीत ।

९.
सजाएर लालीगुराँस आँखामा
घन्किदैछ असारे गीत
मेरो पहाडी पाखामा ।

१०.
बाचौँ जिन्दगी हाँसेर
उदार मनले दुनियाँसँगै
प्रीतिको फूल गाँसेर ।