Sansar News
नवराज न्यौपाने ‘मौन’
भानु न.पा ५ ,चुँदी , तनहुँ नेपाल
गाह्रो हुन्छ सुझाव लिंदै हृदयमा गुन्न हजुर
गाह्रो हुन्छ घमण्डीलाई आलोचना सुन्न हजुर
मान्छेपिच्छे फरक कुरा आचार झनै फरक भयो
गाह्रो हुन्छ सबैलाई एकतामा उन्न हजुर
मनै कालोञ्भएपछि काम राम्रो कहाँ हुने
गाह्रो हुन्छ ज्यानै दिने जीवनसाथी चुन्न हजुर
भावनामा वहकिने मन रोक्न नसकिए
गाह्रो हुन्छ पिरतीको गीत मिठो बुन्न हजुर
आँट भए लक्ष्य चुम्छ खाका नौलो कोरेपछि
गाह्रो हुन्छ काम गर्न बोलेजस्तो हुन्न हजुर
आदि अनुप्रास : उन्न
शेष अनुप्रास : हजुर
वि.सं.२०८२ कात्तिक १५ शनिवार ०५:४५ मा प्रकाशित
