Sansar News
मनीषकुमार शर्मा ‘समित’
मध्यपुर ठिमी, भक्तपुर
शान्तीको भ्रम चिर्दै सहर फेरि जुर्मुरायो ।
जलिरहेका टायर, कालो धुवाँले ढाकेको आकाश, आकास मात्र हैन, मनका डर र त्रासलाई पनि ढाकेको । सडकमा उग्रता र त्रास, कतिपय समूह हिंसाको आगोमा बलेका, कतिपय छायाँझैँ कोठामा बन्दी ।
गाली नयाँ, नारा नयाँ, हिंसा नयाँ तर बीउ, एउटै र पुरानो ।
म भीडभित्र हेर्दै थिएँ– विस्मित, व्यथित र निरुपाय भइ । त्यसैबीच भीडको कोलाहल चिर्दै एक वृद्धको आवाज गुन्जियो–
“फेरि रक्तबीजहरूको जन्म भएछ।”
वि.सं.२०८२ कात्तिक २९ शनिवार ०५:४२ मा प्रकाशित
