हामी सबैकाे संसारन्यूज

प्रमोद नेपाल
वीरगञ्ज हाल- काठमाडौँ

१.
गरौँ श्रीकृष्णको जय
पालनहार पुनः जन्मेर
दुष्टताको गरुन् क्षय !

२.
रहर सँगसँगै हिँड्ने
उडायो अहङ्कारले उनको
सकिएन राम्ररी चिँडने ।

३.
अधोगति विकासको यात्रा
केहीलाई छ सत्रैसत्र
देशमा चारैतिर गाईजात्रा ।

४.
असह्य अभावको मार
विदेशको कठिन यात्रा
जीवनको हुँदैछ हार ।

५.
विकास असारे कच्चा
बजेट सक्याउने मेलो
कहिले बन्लान् सच्चा ?

६.
जनताको पैसामा आहाल
नानीदेखि लागेको बानी
भ्रष्टचारी नेताको ताल ।

७.
सनातनीको लागि चन्दन
नास्तिकलाई ज्ञान कहाँ
रक्षासूत्र हो रक्षाबन्धन ?

८.
आस्थामा खेलवाड गरे
हटाए संविधानको व्यवस्था
आफ्नै आँखाबाट झरे ।

९.
नागहरू छन् बसेका
ढुकुटीमा फण उठाएर
जनताको नजरबाट खसेका ।

१०.
पाउनु सच्चा मित्रता
छ चन्द्रमामा पुग्नुजत्तिकै
चाहिन्छ मनको पवित्रता ।