हामी सबैकाे संसारन्यूज

भेष राज बञ्जाडे
बुटवल –१३, रुपन्देही

१.
राख फोटो एउटा
नीरस लाग्दा हेरौली
तिम्रो मनको देउता ।

२.
नपार अहिले लोकाचार
भेट्न आउँदा फेरि
नगर्नू नि तिरस्कार ।

३.
खाँदैन कि कटक्कै
ढुङ्गाको त्यो मन
गर्दिनौ फोन पटक्कै ।

४.
आउँछु खर्च जोरेर
जाउँला बजार सँगसँगै
बसे कपाल कोरेर ।

५.
तिम्ले धोको फेरौली
मोबाइल एउटा किनौँला
त्यसैमा फोटा हेरौली ।

६.
बास्न थाल्यो भाले
चार बज्न नपाउँदै
बाउले खोक्न थाले ।

७.
राति निद्रा लाउँदैन
बर्बराउँछन् बाउ रोगले
कामको मेसो आउँदैन ।

८.
भान्साबाट आवाज आयो
यस्तो कसले पु¥याउँछ
यतातिर मुटु खायो ।

९.
मन भयो भारी
बिदाई गर्दा अहिले
कहिले हुन्छ सवारी ?

१०.
चुलो त्यसै बल्दैन
भएन विदेश नगई
आदर्शले काम चल्दैन ।