हामी सबैकाे संसारन्यूज

पशपती राई
हलेशी तुवाचुङ – ५, खोटाङ

लोकतन्त्रको परिभाषा नेपालीले कहिले जान्ने होला
राजनीति सबैको खेती किसान कसलाई मान्ने होला !

आफ्नो देश जलाएर राज्य सत्तामा रमाएका छन् हेर
खरानीमै गर्व गर्नेलाई नागरिक कस्ले ठान्ने होला ।

हर्षोल्लास मनाउँदै तीन –तीन वर्षमा चुनाव गर्छन्
यो गरिब देशले हेर यत्रो खर्च कसरी धान्ने होला ।

वर्षाैं प्रेम गरी ल्याएको श्रीमती त टिक्दैन वर्ष दिनै
जता हेर्यो नेता मात्रै असल नेता कसरी छान्ने होला ।

खुल्लम खुल्ला छ सिमाना नाङ्गो छ विदेशीको हस्तक्षेप
देशको सिमानामा चारै सुर कहिलेसम्म बान्ने होला ।

अक्षर सङ्ख्या : २०
अनुप्रास : आन्ने
अत्यानुप्रास : होला