Sansar News
पूर्णबहादुर श्रेष्ठ ‘हृदयङकृत’
पनौती न.पा–३,काभ्रे
१.
च्वास्स भनेर
पोल्यो मन भत्भती
आगो बनेर!
२.
कृति छर है
कुरा मात्रै नगर
काम गर है ।
३.
कुरा छाँटेर
रित्तो पेट भरिन्न
सधैँ ढाँटेर ।
४.
नङ्ग चाहिन्छ
ताछेर खानलाई
ढङ्ग चाहिन्छ ।
५.
सेतै हिमाल
स्वर्ग जस्तै सुन्दर
हाम्रो नेपाल ।
६.
खाल्डो नखन
तिमी आफैं परौला
झुट्टो नबन ।
७.
खोली तिरैमा
फूल रैछ सुन्दर
लाउँ शिरैमा ।
८.
प्रीत लाएर
खेलौन त जुहारी
गीत गाएर ।
९.
हरियो बन
संरक्षण गरौँ है
सबैको धन ।
१०.
छैन तबर
सत्य तथ्य पाइन्न
खोज खबर ।
वि.सं.२०८२ माघ १० शनिवार १०:४६ मा प्रकाशित
