हामी सबैकाे संसारन्यूज

विदुर अधिकारी, रामपुर,चितवन
.
बनेर आमा सुरम्य माथा,चुमी बढायौ यहीँ मलाई
सुभाव राख्दा,म जन्मिएको,थिएँ नि आमा,लियौ समाई
खपेर पीडा,कुरेर बस्थ्यौ,सुरम्य आशा,सदा सजाई
म भुल्न सक्थेँ कहाँ र आमा,दिई शुभेच्छा गर्‍यौ भलाइ।
. (१)
सहेर पीडा,टुसुक्क बस्थ्यौ,हुनेछ बालो,भनी लजाई
भविष्य हेर्दै,सुकर्म गर्थ्यौ, यही धरामा,दियो जलाई
मनग्य माया,दिई सजायौ,शरीर राम्रो,भयो खुवाई
म भुल्न सक्थेँ कहाँ र आमा,दिई शुभेच्छा गर्‍यौ भलाइ।
. (२)
सुभाव राख्दै,चुमेर बच्चा,गमेर बस्थ्यौ,गरा गरामा
अतीव राम्रो हुनेछ बालो,भनेर सोच्थ्यौ पला पलामा
दिएर आशिष्,घुमेर बारी,कसेर भारी,भिर्‍यौ मलाई
म भुल्न सक्थेँ कहाँ र आमा,दिई शुभेच्छा गर्‍यौ भलाइ।
. (३)
चलेर साँच्चै,बनेर झोकी, कुकर्म केही,गरेँ कि मैले
भुलेर केही,गरेँ कि आमा,ल माफ देऊ,म भन्छु ऐले
म पढ्न जान्थें,रमेर आमा,लिएर खाजा,मिठो मिठाई
म भुल्न सक्थें कहाँ र आमा,दिई शुभेच्छा गर्‍यौ भलाइ।
. (४)
समस्त खोजौँ परन्तु अर्की,नभेटिने यी,अमूल्य आमा
असाध्य माया दिएर राखे,गृहस्थ बन्ने,सुरम्य धाम
बनेर माली पुजेर आस्था,बस्यौ सवैको,भलो चिताई
म भुल्न सक्थेँ,कहाँ र आमा,दिई शुभेच्छा गर्‍यौ भलाइ ।
. (५)

छन्द – महाब्धि
गण : ज – त – र – र – य – ज – गु – गु
सङ्केत : ISI – SSI – SIS – SIS – ISS – ISI – S -S