Sansar News
राजेन्द्रकुमार बज्राचार्य
कोटेश्वर, काठमाडौँ
पिई रक्सी सुधारस हो नभन्नू
नबोलीकन लियो सातो नभन्नू
छुटिन्छन् ती सुधा, रक्सीको बास्ना
सबै जन मूर्खझैँ लाटो नभन्नू
छुटोस् रक्सी, पिलाऔं है सुधारस
लगायो गाथमा तारो नभन्नू
पिऊ त्यस्तो सुधारस नै सबैले
सबैको भो भलो कस्तो नभन्नू
सुधारे मार्ग होस् जस्तै नराम्रो
खुलायो भाग्य आ-आफ्नो नभन्नू
बहर:- हजज मुसद्दस महजूफ
अर्कान : मुफाईलुन् , मुफाईलुन् , फऊलुन्
वजन : १२२२ – १२२२ – १२२
काफिया बन्धन : ओ
रदिफ : नभन्नू
अभ्यास : उज्यालो पाठशाला
वि.सं.२०८३ वैशाख २६ शनिवार ०६:५४ मा प्रकाशित
