Sansar News
राजा घले
हाल अमेरिका
जति जति नजिक नजिक दशैं-तिहार आउँछ
गाउँ घर अनि परिवारको सम्झनाले सताउँछ ।
चाड पर्ब भने पछि फुरुंग हुने यो मन
यो परदेशी जिन्दगीमा कति रुन्छ भन ।
सम्झिएर आफन्त र गाउँ घर यति बेला
लंगुर बुर्जा, रोटेपिङ्ग र लिङ्गे पिंगको खेल ।
मठ मन्दिर चौतारामा दुर्गा पूजा लाको
याद आउँछ तिहारमा सेल रोटि खाको ।
आफ्नो गाउँ ठाउँ छोडि परदेशमा बस्दा
मनको पिडा आँखाबाट आँशु बनि खस्दा ।
अनायासै जन्मिएको माटो सम्झिदिन्छु
सानो हुँदा दौडिएको बाटो सम्झिदिन्छु ।
वि.सं.२०७४ असोज १७ मंगलवार ०८:०४ मा प्रकाशित
