हामी सबैकाे संसारन्यूज

गरेको छु नयाँ यौटा यात्रा मैले निरन्तर
पछ्याई मार्ग रेखा ती ताक्दैछु लक्ष्य सुन्दर

कतै हुुरी कतै हावा कतै बाढी र पत्थर
थकाइ भोक बिर्सेर हिँड्दैछु म निरन्तर

कहाँ हुन्थ्यो र यो चोला एकैनास सधैभरि
कहिले सित्तलै हुन्छ कहिले घाम बेसरी

शत्रुले हमला बोल्छ भत्काइ दिन्छ योजना
थामेर बज्र छातीमा हिँड्छु यौटै अठोटमा

चुडाई मुखको बल्छी बोकेर हातमा शर
झम्टिदो शिंह तर्केर हिँड्दैछु म निरन्तर

अनुष्टुप छन्द

इति

नेपालको  विराटनगरलार्इ कर्मथलो बनाएर तीन दशकदेखि निरन्तर साधना गरिरहनु भएका साहित्यकार हरि कट्टेलका छन्द कविता, कविता, गजल, मुक्तक, खण्डकाव्य अादि गरी अाधा दर्जन कृतिहरू प्रकाशन भएका पान्छन् । – सम्पादक