हामी सबैकाे संसारन्यूज

तमु समाज युएईको अध्यक्षमा उषा तमुस्यो पुन दोश्रो पटक निर्विरोध भएकी छन् । युएईको आवुधाविस्थित ‘इभर ग्रीन रेष्टुरेण्ट’ मा मार्च २३ का दिन सम्पन्न समाजको ११ औं अधिबेशनले उषा तमुस्योको नेतृत्वमा १९ सदस्यीय नयाँ कार्यसमितिको चयन गरेको हो ।
त्यस्तै समाजको वरिष्ठ उपाध्यक्षमा मुनिन्द्र तमु, भगवती तमुस्यो र नन्दजंग तमु,महासचिवमा पवित्र गुरुङ तमुस्यो, सचिव इन्द्र तमु, कोषाध्यक्षमा बलबहादुर तमु, सहकोषाध्यक्षमा प्रिती तमुस्यो र प्रवक्ता मानसिंङ तमु रहेका छन् ।
त्यस्तै समाजको सदस्यमा उर्मिला तमुस्यो, किरण तमु, सञ्जय तमु, सन्तोष तमु, अमृत तमु, तारा तमु, रमिला तमुस्यो, ममता तमुस्यो र पूर्णिमा चयन भएका छन् ।
निर्वाचित नयाँ पदाधिकारी तथा सदस्यलाई तमु समाज युएईका निवर्तमान प्रमुख संरक्षक यमप्रसाद तमुले सपथ ग्रहण गराएका थिए । सन् १९९७ मा स्थापना भएको समाज युएईको पुरानो नेपाली संस्था मध्यको एक हो ।