हामी सबैकाे संसारन्यूज

काठमाण्डौं । रूस–नेपाल सहयोग तथा मैत्री समाजको अग्रसरता र रूसमा बसोवास गरिरहेका साहित्यानुरागी नेपालीहरूको सक्रिय सहभागितामा विश्वविख्यात रूसी महाकवि अलेक्सान्द्र पुश्किनको प्रतिमा स्थापना गरिएको छ ।

२५ सेप्टेम्बरमा नेपाल स्थित रूसी विज्ञान तथा संस्कृति केन्द्रको प्राङ्गणमा सो प्रतिमा स्थापना गरिएको हो ।

प्रतिमा स्थापना कार्यक्रममा नेपाल प्रज्ञा–प्रतिष्ठानका कुलपति गंगाप्रसाद उप्रेतीको प्रमुख आतिथ्यमा नेपालका लागि रूसका राजदूत आन्द्रेइ बुदनिक, रूसी संस्कृति केन्द्रका निर्देशक स्तानिस्लाभ सिमाकोभ, रूस–नेपाल सहयोग तथा मैत्री समाजका अध्यक्ष मिखाइल नेक्रासोभ, नेपाल–रूस मैत्रीतथा सांस्कृतिक संघका अध्यक्षभगवानरत्नतुलाधर, पुश्किनको आवक्ष कांस्य प्रतिमाकानिर्मातामूर्तिकार ग्रिगोरी पोतोत्स्कीको उपस्थिती थियो ।

त्यसै भव्य अवसरमा विश्व नेपाली साहित्य महासंघका केन्द्रीय सल्लाहकार कृष्णप्रकाश श्रेष्ठद्वारारूसी भाषाबाट सोझै  नेपालीमा अनुदित काव्य सङ्ग्रह ‘रुसाल्का’ को पनि विमोचन भएको छ ।