४ कात्तिक,तेहरान । गुप्तचरको आरोपमा इरानले आफ्नो देशका चार र इरानीमूलका विदेशी गरी छ जना नागरिकलाई दश वर्षको कैद सजाय सुनाएको समाचार छ ।
उनीहरूले अमेरिकासँग मिलेर आफ्नो देशका विरुद्धमा गुप्तचरी गरेको आरोपइरान सरकारले लगाएको बताइएको छ ।
इरानको प्रेस टिभीले दिएको जानकारी अनुसार यसरी कैद सजाय तोकिएकामाइरानी मूलका अमेरिकी नागरिक दुई जना रहेका छन् ।ती दुई जना इरानी मूलका अमेरिकी बाबु छोरा रहेका छन् । बाबुको उमेर८० वर्ष रहेको पनि बताइएको छ ।
यसरी जेल सजाय तोकिएको प्रति अमेरिकाले विरोध गरेको छ । उसले आफ्नादुई जना नागरिकलाई जेल सजाय सुनाएको प्रति आपत्ति जनाउँदै आफ्ना नगरिककोतुरुन्त रिहाईको माग गरेको छ । ती दुई अमेरिकी बाबु छोरालाई सन् २०१५ को अक्टोबर महिनामा पक्राउ गरिएको थियो । अरुलाई यसै वर्षको फेब्रुअरी महिनामा पक्राउ गरिएको थियो ।
उनीहरूमाथिको छानबिन र कारबाहीको प्रक्रिया जारी रहेको थियो । व्यापकसुनुवाईपछि बुधबार उनीहरूलाई अदालतबाटै जेल सजायको कारबाही गरिएको समाचारमा जनाइएको छ ।
इरानले यसअघि पनि आफ्नो देशको विरुद्धमा गुप्तचरी गरेको आरोपमा नागरिकलाई मृत्युदण्ड वा लामो समयसम्म काराबास सजाय तोक्ने गरेको थियो । सिन्ह्वा
