हामी सबैकाे संसारन्यूज

अन्तर्राष्ट्रिय नेपाली साहित्य समाज (अनेसास) ले अमेरिकाको पोर्टल्याण्डमा भव्य रुपमा नेपाली साहित्यिक कार्यक्रमको आयोजना गर्दैछ ।

पोर्टल्याण्डमा हुने साहित्यक कार्यक्रममा नेपाल समाज ओरेगन र त्यसको विश्व संस्थाको संयुक्त आयोजना रहने ओरेगन समाजका पूर्व अध्यक्ष तथा वर्तमान सल्लाहकार दया शाक्यले जानकारी दिएका छन् । पोर्टल्याण्डको साहित्यिक कार्यक्रम भव्य रुपमा सम्पन्न गर्न शाक्यलाई संयोजक तोकिएको नेपाल समाज ओरेगनका अध्यक्ष भवन बाँस्कोटाले बताए ।

कार्यक्रमहरुमा अनेसासका नवनिर्वाचित अध्यक्ष राधेश्याम लेकाली र संस्थाका वरिष्ठ सल्लाहकार डा खगेन्द्र लुईँटेलको उपस्थिति रहने बताइएको छ ।

पोर्टल्याण्डमा हुने कार्यक्रम
मिति : आइतबार अक्टोबर ७ तारिख
समय : अपरान्ह ४ देखि ७ बजेसम्म
स्थान :  ग्रिफ्पथ भवन, कोठा नम्बर ३००
तेस्रो तल्ला सम्मेलन कक्ष

अनेसासले आगामी एक महिना भित्र अमेरिकाका अन्य च्याप्टरहरुमा पनि साहित्ययिक कार्यक्रम गर्दैछ । अनेसासले अस्टिन, कोलोराडो, सियाटल, लसएन्जल्स र पोर्टल्याण्डमा कार्यक्रमहरु हुनेछ ।