Sansar News
५ कात्तिक, काठमाडौँ । प्रेस काउन्सिल नेपालले महिलाका सम्बन्धमा समाचार सम्प्रेषण गर्दा अवलम्बन गर्नुपर्ने आचारसंहिताका विषयमा विस्तृत व्यवस्था गर्नका लागि निर्देशिका बनाउन काउन्सिलका सदस्य शुभेच्छाविन्दु तुलाधरका संयोजकत्वमा चार सदस्यीय कार्यदल गठन गरेको छ ।
कार्यदलका सदस्यमा अधिवक्ता सुरेन्द्र भण्डारी, नेपाल पत्रकार महासङ्घका सचिव सङ्गीता खड्का र सदस्य सचिवमा काउन्सिलका दीपक खनाल रहनुभएको छ । कार्यदललाई आवश्यक सहयोग गर्न सरोकार भएकाहरु, सरकारी निकाय र नागरिक समाजलाई काउन्सिलले आग्रह गरेको छ ।
वि.सं.२०७३ कात्तिक ५ शुक्रवार ०३:४२ मा प्रकाशित
