हामी सबैकाे संसारन्यूज

२६ फागुन, नैरोबी । इथियोपियन एयरलाइन्स बोइङ ७३७ विमान आइतबार बिहान दुर्घटनामा परेको छ ।

आडीस अबाबाबाट नैरोबी आउँदै गरेको विमानमा १४९ जना यात्रु र आठ जना चालक दलका सदस्य रहेका बताइएको छ ।

इथियोपियाको प्रधानमन्त्रीको कार्यालय र इथियोपियन एयरलाइन्सले दुर्घटनामा परेका परिवारप्रति दुःख व्यक्त गरेको छ ।

“दुर्घटनामा परेका मानिसको परिवारप्रति गहिरो दुःख व्यक्त गर्दछु” भन्दै प्रधानमन्त्री अबी अहमदले ट्वीट गरेका छन् ।

एयरलाइन्सले खोजी तथा उद्धारकार्यलाई तीव्ररुपमा अगाडी बढाइएको र दुर्घटनामा परेका जिवितै रहने संभावना कम रहेको पनि जनाएको छ ।

बोले अन्तरराष्ट्रिय विमानस्थलबाट स्थानीय समयानुसार बिहान ०८.३८ मा विमान उडेको थियो । उडेको छ मिनेटपछि विशोफ्टुनजिकै पुगेपछि विमान सम्पर्क बिहीन भएको थियो ।

अफ्रिकाका विभिन्न गन्तव्यमा उडान गर्ने इथियोपियन एयरलाइन्स अफ्रिकी महादेशमा लोकप्रिय हवाई सेवा प्रदायक एयरलाइन्स हो ।