हामी सबैकाे संसारन्यूज

२८ फागुन, काठमाडौ । नेपालको जलविद्युत् विकासका लागि स्वदेशबाटै वार्षिक तीन खर्ब रुपैयाँसम्म पुँजी संकलन गर्नसकिने देखिएको छ । दोस्रो लगानी सम्मेलनको पुर्वद्र्धमा स्वतन्त्र उर्जा उत्पादकहरुको संस्था नेपाल इप्पान का अध्यक्ष शैलेन्द्र गुरगाईले वार्षिक तीन खर्ब रुपैयाँ बराबर पुँजी संकलन गर्न सकिने विवरण सार्वजनिक गरेका हुन् । नेपाल आर्थिक पत्रकार समाज सेजनले सोमबार आयोजना गरेको जलविद्युतमा लगानीको अवसर र यसमार्फत आर्थिक समृद्धि विषयक अन्तरक्रियामा उनले सरकारले तदारुकता देखाएमा छरिएर रहेको पुँजी सहज रुपमा संकलन गर्न सकिने बताए ।

वर्षिक तीन खर्ब बराबर पुँजी संकलन गर्न सकेमा यसबाट मात्र वार्षिक १ हजार ५ सय मेगावटका लागि लगानी जुटाउन सकिन्छ । मंगलबारको कारोबार दैनिकमा भीम गौतमले लेखेका छन् ।