२९ चैत्र, काठमाडौँ । साझा प्रकाशनका तत्कालिन महाप्रबन्धक डोलेन्द्रप्रसाद शर्माको मानमर्दन हुने गरी साझा प्रकाशनले सूचना जारी गरेको छ ।
‘साझा प्रकाशनको अत्यन्त जरुरी सूचना’ शिर्षकमा गोरखापत्रमा प्रकाशित सूचनामा भनिएको छ ‘साझा प्रकाशनका तत्कालिन महाप्रबन्धक डोलेन्द्रप्रसाद शर्माको २०७५/१२/१ देखि लागू हुने गरी राजीनामा स्वीकृत भएकोले निजसँग साझा प्रकाशन सम्बन्धि कुनै पनि काम कारवाही तथा कारोबार नर्गन नगराउनु हुन सम्बन्धित सबैमा सूचना प्रकाशित गरिएको छ ।’
साझा प्रकाशनको केन्द्रीय कार्यालय पुल्चोकबाट जारी सार्वजनिक सूचनाको भाषा उपयुक्र्त नभएको प्रकाशनका एक पूर्व सञ्चालकले बताएका छन् । ‘कुनै पनि काम कारवाही तथा कारोबार नगर्न नगराउन’ भन्ने भाषा प्राय बजारमा काम गर्ने बजार प्रतिनिधिहरुको गलत रवैया रोक्न प्रयोग गरिन्छ । यस सम्बन्धमा एक कर्मचारीले मानमर्दन नभएर ‘बाध्यताबशको सूचना’ भन्ने प्रतिक्रिया दिए भने तत्कालिन महाप्रबन्धक डोलेन्द्रप्रसाद शर्मासँग यसबारे बुझ्न सम्पर्क गर्न खोज्दा सम्पर्क हुन सकेन ।
वि.सं.२०७५ चैत २९ शुक्रवार ०९:१६ मा प्रकाशित