Sansar News
१३ जेठ, काठमाण्डौं । सोमबार बन्द सफल पार्न झिसमिसेमै विस्फोट गर्ने योजना बनाएका विप्लव समूहका कार्यकर्ताले टाइमर मिलाउन नजान्दा अघिल्लो बेलुकी नै विस्फोट भएको प्रहरीको प्रारम्भिक अनुसन्धानले देखाएको छ ।
सोमबार बिहान ४ः१५ मा विस्फोट गराउने टाइम सेट गर्दा आइतबार बेलुका ४ः१५ मा विष्फोट भएको प्रहरीको भनाई छ । सुकेधारा, घट्टेकुलोमा एकैपटक विस्फोट भएको थियो । राजधानीका थप चारवटा ठाउमा बम भेटियो ।
दुवैतिर एकै समयमा आकस्मिक रुपमा बम विस्फोट हनुको कारणबारे ृअनुन्धान केन्द्रित गरिएको काठमाण्डौंका एसएसपी उत्तमराज सुवेदीले बताए ।
उनका अनुसार अनामनगर र सुकेधारामा भएको विस्फोटका घाईतेहरुले १२ घण्टा अघि टाइमर मिलाउने क्रममा एक्कासि बम पड्किएको बताएका छन् । सुकेधारा, घट्टेकुलो र नागढुंगाका तीनवटै विस्फोट दुर्घटनावश भएको प्रहरीको प्रारम्भिक अनुमान छ । घटनामा विप्लव समूहका चारजनाको मृत्यु भएको छ भने ७ जना घाईते भएका छन् । सोमबारको नयाँपत्रिका दैनिकबाट
वि.सं.२०७६ जेठ १३ सोमवार ०७:४२ मा प्रकाशित
