हामी सबैकाे संसारन्यूज

२६ जेठ, भद्रपुर । दुई देशबीचको सीमास्तम्भ, आसपास नेपाल र भारतीय बस्ती । सीमा छेउमा रहेका नेपाली विद्यालय भने भारतीय विद्यार्थीले भरिएका छन् ।

संस्कार, संस्कृति, भाषा र देशको इतिहास फरकफरक छ । तर, सीमावर्ती विहारका बालबालिका नेपालकै इतिहास पढ्छन्, संस्कार, संस्कृति, भाषा पनि नेपाली सिक्छन् । झापा कचनकवल गाउँपालिकाका चार सरकारी विद्यालयमा भारतीय विद्यार्थी खचाखच हुन्छन् ।

भारत सरकारले छोराछोरी विद्यालय पठाएबापत रासन कार्ड, विद्यालयखाजा र विद्यार्थीलाई साइकल दिन्छ । दुरीका हिसावले भारतीय विद्यालय टाढा भएपनि रासन कार्डकै लागि उनीहरू आफ्ना छोराछोरी भारतमा भर्ना गर्छन् । तर नेपालमै पढाउँछन् ।

पठामारी क्षेत्रका श्री प्रावि, जानकी आधारभूत विद्यालय, बृद्घ प्रावि र केचनास्थित शारदा प्राविमा २५ प्रतिशत भारतीय विद्यार्थी अध्ययनरत छन् ।
आइतबारको अन्नपूर्ण पोस्टबाट