२७ असार, ढाका । बङ्लादेशको भ्रष्टाचारविरुद्ध काम गर्ने कार्यालयले पूर्वप्रधानन्यायाधीशलाई भ्रष्टाचारको आरोप लगाएको छ ।
जबरजस्ती राजीनामा दिन बाध्य पारिएका पूर्वप्रधानन्यायाधीश सुरेन्द्रकुमार सिंहलाई पदमुक्त भएको दुई वर्षपछि आरोप लगाइएको हो ।
भ्रष्टाचार निवारण आयोगले बुधबार सिंहका विरुद्धमा अभियोगपत्र दर्ता गराएको हो । अभियोगपत्र उहाँ बाहेक अरू दश जनाका विरुद्धमा पनि दर्ता गरिएको हो ।
अभियोग लाग्नेमा बैंकका पूर्वप्रमुख कार्यकारी लगायत रहेका छन् । उनीहरूलाई सम्पत्ति सुद्धीकरण र शक्तिको दुरूपयो गरेको आरोप लगाइएको छ ।
बङ्लादेशको इतिहासमा पूर्वप्रधानन्यायाधीशलाई भ्रष्टाचारको आरोप लागेको यो पहिलो घटना भएको समाचारमा जनाइएको छ ।
