हामी सबैकाे संसारन्यूज

एभरेस्ट हिमाल शुभ्र शीर मेरो
मनोरथा नेपाल तीब्र पीर मेरो

प्रकृतिको आशिष सौन्दर्यको शान
जोगाउन कठिन आज तीर मेरो

सबैतिर पहाड हरियाली दृश्य
डाँडाकाँडा सर्वत्र ज्यान भिर मेरो

रङ्गीचङ्गी गुराँस फुल्छन् पाखो फेद
लाली गुराँस शिरमा छ स्थीर मेरो

हिमालको काखमा खेल्छन् चरी डाँफे
बहुरङ्गी शरीर घुमी फीर मेरो

जङ्गलै जङ्गल छ पहाड तराई
हात्ती,गैंडा, हरिण छन् तक्दिर मेरो

नदिनाला छ हजार छन् यहाँ हेर
जलश्रोतमा धनी छैन धीर मेरो

मन्दिरै मन्दिरको शहर नेपाल
साँस्कृतिक सुन्दर छन् मन्दिर मेरो

ताल तलैया कति छन् बक्षस्थलमा
रमाउँछन् बटुवा तालनिर मेरो

सानो देश भए नि हावापानी राम्रो
छोराछोरी सपूत गोर्खे वीर मेरो