हामी सबैकाे संसारन्यूज

७ पुस, काठमाडौँ । भारतीय चर्चित अभिनेत्री दबंग ३ कि नायिका सोनाक्षी सिन्हाले भर्खरै प्रदर्शनमा आएको आफू अभिनित सलमान खानको चलचित्र दबंगको प्रचार छोडेर नागरिकता आन्दोलनमा लागेका आन्दोलनकर्मीलाई साथ दिने बताएकी छन् ।

सिन्हाले आफूले अभिनय गरेको ‘दबंग ३’ चलचित्रको बक्स–अफिस कलेक्सन भन्दापनि विगत २ साता देखि भारतमा चर्किएको नागरिकता संशोधन कानुन विरुद्धको आन्दोलनलाई महत्वपूर्ण रहेको बताउँदै कानुन विरुद्ध जनताले बोल्न पाउने अधिकार प्राथमिकतामा राखिनुपर्नेमा जोड दिएकी छन् ।

गत शुक्रबारदेखि रिलिज भएको खानको दबंग ३ चलचित्रमा हाल भारतमा भइरहेको नागरिकता संशोधन कानुनको विरोधमा आन्दोलन भएको कारण उक्त चलचित्रको व्यापारलाई असर गरेको बताइएको छ। अहिले फिल्म भन्दा पनि आम मानिसले आन्दोलनलाई प्राथमिकता दिएका छन् र फिल्म हेरेका दर्शकले भने उनको फिल्मलाई राम्रो प्रतिक्रिया दिएकाले आफू खुशी भएको उनले बताएकी छन् ।

उनले अभिनय गरेको दबंग ३ फिल्मलाई प्रभु देवाले निर्देशन गरेका छन् भने अभिनेता सलमान खान सहित अरवाज खान र सुदिप किचा लगायतका कलाकारको अभिनय रहेको छ ।