हामी सबैकाे संसारन्यूज

कुवेत नेपाली एकता समाजको प्रथम ऐतिहासिक राष्ट्रिय भेला ९ डिसेम्बर २०१६ का दिन सम्पन्न भएको छ ।
निम बुढाको सभापतित्वमा अन्तराष्ट्रिय नेपाली एकता समाजका सदस्य धर्मराज उपाध्यायको प्रमुख आतिथ्यमा तथा नेपाली राजदूतावास कुवेतका प्रथम सचिव अम्बिका जोशीको विशेष उपस्थितिमा उद्घाटन गरिएको सो समारोहमा हिमाल जिसीले स्वागत मन्तव्य राख्नुभएको थियो भने संचालन समितिका महासचिव खुमबहादुर रायमाझीले गर्नुभएको थियो ।

कुवेतमा स्थापित विभिन्न संघसंगठनका प्रतिनिधीहरूले नव निर्वाचित कार्यसमितिलाई बधाई तथा शुभकामना व्यक्त गरेका थिए भने विभिन्न देशका एकता समाजहरुले पठाइएको शुभकामना पत्रहरु पढेर सुनाइरहेको थियो ।
नेपालको राष्ट्रियता, सार्वभौमिकता र अखण्डताको लागि सम्पूर्ण नेपालीहरु एकजुट हुनुपर्ने कुरामा जोड दिदै गत मंसिर १४ गतेका दिन संसदमा दर्ता गराईएको संविधान संसोधन विधेयक नेपाली राष्ट्रियता र स्वाधिनताको हित विपरित तथा देशलाई नै टुक्रयाउने खालको उद्धेश्य प्रेरित भएको हुँदा सबै मिलेर यसको प्रतीरोध गर्नु पर्ने अधिकाङ्श वक्ताहरुको भनाइ रहेको थियो ।
सो राष्ट्रिय भेलाले अनिल रसाइलीको अध्यक्षतामा १३ सदस्यीय केन्द्रीय समितिको निर्माण गरिएको छ । जसअनुसार उपाध्यक्ष धर्मराज उपाध्याय, उपाध्यक्ष हेमबहादुर पुन, महासचिव खुम रायमाझी, सचिव कृष्ण अधिकारी, कोषाध्यक्ष आशा शेरबुजा मगर र सदस्यहरुमा अभिषेक परियार, लोकमणि भण्डारी, ओम कार्की, जनक भुसाल, दुर्गा परियार, रमेश केसी, र भोजराज पौडेल रहेका छन । सोही भेलाले तीन सदस्यीय सलाहकार समितिको पनि चयन गरिएको छ । जस्मा निम बहादुर बुढामगर, हिमाल जिसी र रन रसाइली रहेका छन ।
सेप्टेम्बर १२, २०१४ मा स्थापित कुवेत नेपाली एकता समाजले स्थापना भएको दुई बर्षको अन्तरालमा प्रथम राष्ट्रिय भेला सम्पन्न गर्न सफल भएको छ ।