Sansar News
२० माघ, काठमाण्डौं । बेल्जियममा रहेका दुई नेपालीको एउटै समस्याले मृत्यु भएको छ ।
पोखरा महानगरपालिका १७ घर भई २२ वर्षदेखि बेल्जियमको लुभेनमा बस्दै आएका मीन राज शेरचन –वकिल श्याम) र २० वर्षदेखि कोनेक्केमा बस्दै आएका स्याङजाका भिम (बिनोद) गुरुङको उपचारका क्रममा मृत्यु भएको हो ।
उनीहरु दुवैजनाको लिभर ड्यामेज भएका कारण अस्पतालमा उपचारकै क्रममा मृत्यु भएको हो ।
४८ वर्षिय विनोदको आइतबार (फेब्रअरी २) मा उपचारका क्रममा गेन्टस्थित अस्पतालमा मृत्यु भएको हो भने उनका २ छोराछोरी रहेको बताइएको छ ।
गुरुङको शबलाई नेपाल पठाउने कि बेल्जियममै दाहसंस्कार गर्ने भन्नेमा छलफल भइरहेको बेल्जियमबाट होम गुरुङले बताएका छन् ।
गैरआवासीय नेपाली संघ बेल्जियमका पन्जिकृत सदस्यसमेत रहेका मीनराज शेरचनको २८ जनवरीमा लुभेनस्थित Gasthuiberg Hospital मा मृत्यु भएको हो । उनको आज दाहसंस्कारको कार्यक्रम रहेको पनि गुरुङले संसारन्युजलाई बताए ।
वि.सं.२०७६ माघ २० सोमवार १५:०९ मा प्रकाशित
